पापमे मृत्यु, ख्रीष्टमे जीवन
1 आब हम्रे का कही ते? शायद तुहुरे सोँचथुइबो कि परमेश्वर अपन अनुग्रहक कारण हमार पापहे माफ करथाँ, तबेकमारे चोलो हम्रे पाप करी! पर हम्रे असिके नै सोँचे परत। 2 पर नै हो! बिरकुल नै हो! हम्रे पापके लग मुसेकल बती, तबेकमारे हम्रे पाप कर्ती रहे नै परत।
6 और हम्रे जन्थी कि हमार पुरान पापी स्वभाव येशू ख्रीष्टके संग क्रूसमे टँगागिलस, ताकि हमार शरीरके पापी स्वभाव नाश होजाए, और आबसे हम्रे पापके अधिनमे ना रही।
11 अस्तेहेँके तुहुरे फेन अपनहे पापके शक्तिक लग ते मुगिलो कहिके सम्झो, पर आब तुहुरे येशू ख्रीष्टमे परमेश्वरके सेवा करक लग जिथो।
12 तबेकमारे पापी इच्छाहे अपन जीवनमे राज करे ना देऊ, ताकि तुहुरे अपन पापी इच्छक अनुसार काम ना करो। 13 और ना अपन शरीरके अङ्गहे खराब उद्देश्यक लग प्रयोग हुई देऊ। पर अपनहे मुअलमेसे जित्ती हुइल बती कहिके अपन जीवन परमेश्वरहे दैदेऊ। और अपन शरीरके अङ्गहे सही काम करक लग पूरा रुपमे परमेश्वरहे दैदेऊ। 14 तब तुहुरिन्केमे पापके कौनो अधिकार नै रहिहिस। पाप तुहुरिन्केमे राज नै करी। काकरेकी तुहुरे मोशक नियम कानुनके अधिनमे नै जिथो। पर परमेश्वरके अनुग्रहक अधिनमे बतो।