रोमी 6

2 पर नै हो! बिरकुल नै हो! हम्रे पापके लग मुसेकल बती, तबेकमारे हम्रे पाप कर्ती रहे नै परत। 3 हम्रे जन्थी कि हम्रे सक्कु जाने, जतराजे फेन येशू ख्रीष्टके संग एकतामे बती, और येशू ख्रीष्टमे डुब्कि लेली ते हम्रे ओस्तेहेँके मुगिली जसिके ऊ मुलाँ।

4 तबेकमारे जब हम्रे डुब्कि लेली ते हम्रे मुगिली, और ख्रीष्टके संग दफ्नादेगिली। ताकि जसिके परमेश्वर बाबक महिमासे ख्रीष्ट मुअलमेसे फेनदोस्रे जित्ती हुइलाँ, ओस्तेहेँके हम्रे फेन लावा तरिकासे जीवन जिअब। 5 काकरेकी यदि हम्रे डुब्कि लेके ख्रीष्टके मृत्युमे हुँकार संग एक हुइल बती, कलेसे पक्कै फेन हम्रे हुँकार संग फेनदोस्रे जित्ती हुइबी और हुँकार संग एक होजिबी।

6 और हम्रे जन्थी कि हमार पुरान पापी स्वभाव येशू ख्रीष्टके संग क्रूसमे टँगागिलस, ताकि हमार शरीरके पापी स्वभाव नाश होजाए, और आबसे हम्रे पापके अधिनमे ना रही। 7 काकरेकी जे ख्रीष्टके संग मुगिल बा, ऊ पापके शक्तिसे मुक्त होगिल बा।