याकूब 4:4,6-8

4 हे विश्वासघाती मनै, का तुहुरे नै जन्थो, कि यी संसारहे संघरिया बनैना परमेश्वरसे दुश्मनी करना हो? तबेकमारे जे संसारके संघरिया बने चाहत, ऊ अपनेहे परमेश्वरके दुश्मन बनाइत। 6 पर परमेश्वर ते हम्रिहिन्हे असिन खराब इच्छक विरोधमे लरक लग आकुर धेउर अनुग्रह देथाँ। तबेकमारे पवित्र शास्त्रमे असिके लिखल बा, "परमेश्वर घमण्डी मनैनके विरोध करथाँ, पर नम्र मनैनहे ऊ अनुग्रह करथाँ।" 7 तबेकमारे अपनहे परमेश्वरके अधिनमे धारो। और उ सक्कु काम करनासे अस्वीकार करदेऊ, जोन काम शैतान चाहत कि तुहुरे करो। तब ऊ तुहुरिन्के थेनसे भागजाई। 8 परमेश्वरके लग्गे आऊ, तब ऊ फेन तुहुरिन्के लग्गे अइहीँ। हे पापी मनै, अपन जीवनमेसे पापहे दूर कराऊ। हे मन बदल्ती रना मनै! तुहुरे अपन मन शुद्ध बनाऊ।