7 तुँ हरेक बातमे मजा काम करके अपनहे नमूना बनाऊ, ताकि दोसुर जाने उ नमूनक पालन करे सेकिँत। और जब तुँ दोसुर मनैनहे परमेश्वरके बारेमे सिखैथो, तब तुँ ओइन्हे मजा उपदेश देके सिखैहो। और तुँ ओइन्हे असिके सिखाऊ ताकि मनै तोहाँर आदर करिँत। 8 और तुँ उ बात सिखाऊ जोन बात सच्चा बा। और जोन बातहे तिरस्कार करे नै सेकजाइत ताकि परमेश्वरके वचनके विरोध करुइया तोहाँर दुश्मनहुँक्रिहिन्के लाज होजाइन। काकरेकी हमार विरोधमे खराब बात बत्वाइक लग ओइन्के थेन कुछु फेन नै रहिहीन।