Saxaa 17:1-4

Em outras traduções

1. DFBLVL Geeshsha Mas'aafaa

   1 Hewaappe guyyiyaan, laappu keretuu de’iyaa laappu kiitanchchatuwaappe ittuu taakko yiide, taana hawaadan yaageedda; «Haaya; daro shaafatuwaa gas’aan de’iyaa woshummiyaa, wolk’k’aama katamata, waana murettanentto, taani neena bessana. 2 Sa’aan de’iyaa kaatatuu izinna woshummeeddino; sa’aan de’iyaa asaykka izi woyniyaa eessaa ushi matsottiide izinna woshummeedda» yaageedda.✝17:2 Isa. 23:17; Erm. 51:7

   3 He kiitanchchay taana Ayyaanan bazzuwaa afeedda. Hewan taani itti mishiratto boriyaa suntsay bollaa ubbaan s’aafetti utteedda zo’o do’aa toggeeddawunno be’aaddi; he do’aw laappu huup’iyaan tammu kac’ii de’ee. 4 He mishiratta teeraa ochchaa malatiyaa mayuwaanne zo’o mayuwaa mayyaaddu; iza k’ay work’k’aan, bonchcho shuchchaaninne ink’k’uwaa geetettiyaa al"o shuchchaan alleek’k’aaddu. Iza woshummiyaa tunabaynne sheneyiyaabay kumeedda work’k’aa burc’c’ukkuwaa bare kushiyan oyk’k’aaddu.✝17:4 Erm. 51:7

2. DFBE Gesha Matsafa

   1 ሄዋፐ ጉይያን፥ ላፑ ከረቱ ደእያ ላፑ ኪታንቻቱዋፐ እቱ ታኮ ዪደ፥ ታና ሀዋዳን ያጌዳ፤ "ሃያ፤ ዳሮ ሻፋቱዋ ጋጻን ደእያ ዎሹምያ፥ ዎልቃማ ካታማታ፥ ዋና ሙረታነንቶ፥ ታን ኔና በሳና። 2 ሳኣን ደእያ ካታቱ እዝና ዎሹሜድኖ፤ ሳኣን ደእያ አሳይካ እዝ ዎይንያ ኤሳ ኡሽ ማቲደ እዝና ዎሹሜዳ" ያጌዳ።✝17:2 ኢሳ. 23:17፤ ኤር. 51:7

   3 ሄ ኪታንቻይ ታና አያናን ባዙዋ አፌዳ። ሄዋን ታን እት ምሽራቶ ቦርያ ሱንይ ቦላ ኡባን ጻፈት ኡቴዳ ዞኦ ዶኣ ቶጌዳዉኖ በኣድ፤ ሄ ዶአዉ ላፑ ሁጲያን ታሙ ካጪ ደኤ። 4 ሄ ምሽራታ ቴራ ኦቻ ማላትያ ማዩዋነ ዞኦ ማዩዋ ማያዱ፤ እዛ ቃይ ዎርቃን፥ ቦንቾ ሹቻንነ እንቁዋ ጌተትያ አልኦ ሹቻን አሌቃዱ። እዛ ዎሹምያ ቱናባይነ ሸነይያባይ ኩሜዳ ዎርቃ ቡርጩኩዋ ባረ ኩሽያን ኦይቃዱ።✝17:4 ኤር. 51:7