Kiitetteeddawanttu Oosuwaa 16:1-5

Em outras traduções

1. DFBLVL Geeshsha Mas'aafaa

   1 P’awuloosi k’ay Derbbenne Liss’s’iraa beedda; hewaan S’imootoosa geetettiyaa kaalliyaawe, itti ammaniyaa Ayihuda mishiratti na’ay de’ee; Aa aabbu Giriike asaa. 2 Liss’s’iraaninne Ik’ooniyoonen de’iyaa ishatuu S’imootoosabaa loytsi markkatteeddino. 3 P’awuloosi Aa S’imootoosa barenanna afanaw koyyiide, Aa aabbu Giriike*16:3 Aa aabbu Giriike Aa oyk’k’iide k’as’s’areedda: Giriike Asay barenttu naanaa k’as’s’arikkino. Shin S’imootoose k’as’s’arettana d’ayooppe, Ayihude Asay Aa akkena diraw, P’awuloosi Aa oyk’k’iide k’as’s’areedda. asaa gideeddawaa hewaan de’iyaa Ayihuda ubbay eriyaa diraw, Aa oyk’k’iide k’as’s’areedda. 4 Unttunttu katamatuwaanna biidde, Yesuusi kiitteedda Yerusaalamen de’iyaawanttunne c’imatuu wotseedda higgiyaa ammaniyaawanttu naagana mala, unttunttoo odiidde aad’d’eeddino. 5 Hewaa diraw, ammaniyaawanttu ammanuwaan min, payduwaankka gallassaappe gallassan dari dari beeddino.

2. DFBE Gesha Matsafa

   1 ጳዉሎስ ቃይ ደርበነ ልስጽራ ቤዳ፤ ሄዋን ጽሞቶሳ ጌተትያ ካልያዌ፥ እት አማንያ አይሁዳ ምሽራት ናአይ ደኤ፤ አ አቡ ግሪከ አሳ። 2 ልስጽራንነ እቆንዮነን ደእያ እሻቱ ጽሞቶሳባ ሎይ ማርካቴድኖ። 3 ጳዉሎስ አ ጽሞቶሳ ባረናና አፋናዉ ኮዪደ፥ አ አቡ ግሪከ*16:3 አ አቡ ግሪከ አ ኦይቂደ ቃጻሬዳ፦ ግሪከ አሳይ ባረንቱ ናና ቃጻርክኖ። ሽን ጽሞቶሰ ቃጻረታና ዮፐ፥ አይሁደ አሳይ አ አከና ድራዉ፥ ጳዉሎስ አ ኦይቂደ ቃጻሬዳ። አሳ ግዴዳዋ ሄዋን ደእያ አይሁዳ ኡባይ ኤርያ ድራዉ፥ አ ኦይቂደ ቃጻሬዳ። 4 ኡንቱንቱ ካታማቱዋና ቢደ፥ የሱስ ኪቴዳ የሩሳላመን ደእያዋንቱነ ጭማቱ ዎዳ ህግያ አማንያዋንቱ ናጋና ማላ፥ ኡንቱንቶ ኦዲደ አድኖ። 5 ሄዋ ድራዉ፥ አማንያዋንቱ አማኑዋን ምን፥ ፓይዱዋንካ ጋላሳፐ ጋላሳን ዳር ዳር ቤድኖ።