Kiitetteeddawanttu Oosuwaa 18:2,3,18,19,26

Em outras traduções

1. DFBLVL Geeshsha Mas'aafaa

   2 Hewaan Ak’iilaa giyaa itti Ayihuda bitaniyaa demmeedda; Ak’iilay P’ans’s’oossan yeletteedda; Ayihuda Asay ubbay Roomeppe kesana mala, K’alawudeyoosi azazeedda diraw, amareeda wodiyaappe kase, I bare machchatti P’irisk’k’illanna S’aaliyaappe yeedda; P’awuloosi unttunttunna gakettanaw beedda. 3 Aa oosuunne unttunttu oosuu itti mala dunkkaaniyaa sikaa gidiyaa diraw, unttunttunna uttiide, ittippe ootseedda.

   18 P’awuloosi daro wodiyaa K’oronttoosan utteeddawaappe guyyiyaan, ishatuwaa sarotiide, P’irisk’k’illinnanne Ak’iilaanna markkabiyaan Sooriyaa beedda; barew shiik’k’eedda gaasuu de’iyaa diraw, Kinkkiriyaa katamaan bare huup’iyaa meedetteedda.*18:18 Huup’iyaa meedetteedda: P’awuloosi guutsa wodiyaw «dummatana» giide c’aak’k’eedda. Hawaa guussay, bare huup’iyaakka meedettenna; woyniyaakka ushenna guussaa. Shin I c’aak’k’eedda wodii wuroode, bare huup’iyaa meedettiide S’oossaw yarshshuwaa yarshshanaw bessee guussaa.✝18:18 Pay. 6:18 19 Unttunttu Efesoone gakkeedda wode, P’awuloosi P’irisk’k’illonne Ak’iilaa yaan yeggi yeedda; shin barew Ayihuda woosa golle geliide, Ayihudatuwaana palumetteedda.

   26 Yaatiide Ayihuda woosa golliyaan yayyenaan haasayaa doommeedda. P’irisk’k’illaynne Ak’iilay I odiyaawaa siseedda wode, barenttuna soy Aa afiide, S’oossaa ogiyaa kaseppe suurissiide, aw geeshshi odeeddino.

2. DFBE Gesha Matsafa

   2 ሄዋን አቂላ ግያ እት አይሁዳ ብታንያ ደሜዳ፤ አቂላይ ጳንጾሳን የለቴዳ፤ አይሁዳ አሳይ ኡባይ ሮመፐ ከሳና ማላ፥ ቃላዉደዮስ አዛዜዳ ድራዉ፥ አማሬዳ ዎድያፐ ካሰ፥ እ ባረ ማቻት ጵርስቂላና ጻልያፐ ዬዳ፤ ጳዉሎስ ኡንቱንቱና ጋከታናዉ ቤዳ። 3 አ ኦሱነ ኡንቱንቱ ኦሱ እት ማላ ዱንካንያ ስካ ግድያ ድራዉ፥ ኡንቱንቱና ኡቲደ፥ እትፐ ኦዳ።

   18 ጳዉሎስ ዳሮ ዎድያ ቆሮንቶሳን ኡቴዳዋፐ ጉይያን፥ እሻቱዋ ሳሮቲደ፥ ጵርስቂልናነ አቂላና ማርካብያን ሶርያ ቤዳ፤ ባረዉ ሺቄዳ ጋሱ ደእያ ድራዉ፥ ክንክርያ ካታማን ባረ ሁጲያ ሜደቴዳ።*18:18 ሁጲያ ሜደቴዳ፦ ጳዉሎስ ጉ ዎድያዉ "ዱማታና" ጊደ ጫቄዳ። ሀዋ ጉሳይ፥ ባረ ሁጲያካ ሜደተና፤ ዎይንያካ ኡሸና ጉሳ። ሽን እ ጫቄዳ ዎዲ ዉሮደ፥ ባረ ሁጲያ ሜደቲደ ጾሳዉ ያርሹዋ ያርሻናዉ በሴ ጉሳ።✝18:18 ፓይ. 6:18 19 ኡንቱንቱ ኤፈሶነ ጋኬዳ ዎደ፥ ጳዉሎስ ጵርስቂሎነ አቂላ ያን የግ ዬዳ፤ ሽን ባረዉ አይሁዳ ዎሳ ጎለ ገሊደ፥ አይሁዳቱዋና ፓሉመቴዳ።

   26 ያቲደ አይሁዳ ዎሳ ጎልያን ያየናን ሃሳያ ዶሜዳ። ጵርስቂላይነ አቂላይ እ ኦድያዋ ስሴዳ ዎደ፥ ባረንቱና ሶይ አ አፊደ፥ ጾሳ ኦግያ ካሰፐ ሱርሲደ፥ አዉ ጌሽ ኦዴድኖ።