Luuqaasa 10:38-42

Em outras traduções

1. DFBLVL Geeshsha Mas'aafaa

   38 Yesuusi barena kaalliyaawanttunna ogiyaa biidde, itti heeraa garssa gakkeedda. Hewaan Martto geetettiyaa itti mishiratta bare gollen mokkaaddu.✝10:38, 39 Yoh. 11:1 39 Iziwukka Mayraamo geetettiyaa michchata de’aw; hennakka Yesuusa gediyaa mataan uttaade, I odiyaawaa hayzzaadde de’aw. 40 Martta k’ay soybaa giigissaadde daabura de’aw; hewaa diraw Yesuusakko shiik’aade, «Hanna ta michchata, kiitaa ubbaa ta bolla olina, taani taarekka labbanoode s’eellaadde c’o"u gay? Hayyanaa taana maaddanaadan iziw oda» yaagaaddu.

   41 Yesuusikka zaariide izo, «Marttee, Marttee, neeni c’ora yewuwaa k’oppaadde hirggaa; k’aykka metootaa. 42 Shin koshshiyaawe ittibaa; Mayraama bareppe ooninne akkena lo"obaa dooraaddu» yaageedda.

2. DFBE Gesha Matsafa

   38 የሱስ ባረና ካልያዋንቱና ኦግያ ቢደ፥ እት ሄራ ጋርሳ ጋኬዳ። ሄዋን ማርቶ ጌተትያ እት ምሽራታ ባረ ጎለን ሞካዱ።✝10:38፣ 39 ዮሃ. 11:1 39 እዝዉካ ማይራሞ ጌተትያ ምቻታ ደአዉ፤ ሄናካ የሱሳ ገድያ ማታን ኡታደ፥ እ ኦድያዋ ሀይዛደ ደአዉ። 40 ማርታ ቃይ ሶይባ ጊግሳደ ዳቡራ ደአዉ፤ ሄዋ ድራዉ የሱሳኮ ሺቃደ፥ "ሀና ታ ምቻታ፥ ኪታ ኡባ ታ ቦላ ኦልና፥ ታን ታረካ ላባኖደ ጼላደ ጮኡ ጋይ? ሀያና ታና ማዳናዳን እዝዉ ኦዳ" ያጋዱ።

   41 የሱስካ ዛሪደ እዞ፥ "ማርቴ፥ ማርቴ፥ ኔን ጮራ የዉዋ ቆፓደ ህርጋ፤ ቃይካ መቶታ። 42 ሽን ኮሽያዌ እትባ፤ ማይራማ ባረፐ ኦንነ አከና ሎኦባ ዶራዱ" ያጌዳ።