Luuqaasa 15:11-13,20,22,24

Em outras traduções

1. DFBLVL Geeshsha Mas'aafaa

   11 Gujjiide Yesuusi, «Laa"u naanay de’iyaa itti bitanii de’ee; 12 unttunttuppekka teefa na’ay, ‹Ne mas’uwaappe taana gakkiyaawaa imma› geedda. Aawuukka bare mas’uwaappe naanaatoo gisheedda. 13 Guutsa wodiyaappe guyyiyaan teefa na’ay barena gakkeeddawaa ubbaa shiishshi akkiide hini haako gade beedda; hewaan bare akkeedda miishshaa ubbaa laali wurssi aggeedda.

   20 He man''iyaan denddiide bare aabbukko yeedda.

   «I biro haakuwaan de’ishshin, aawuu be’iide, aw k’aretteedda; aakko wos’s’i biide, Aa idimmi yereedda.

   22 «Shin aawuu bare oosanchchatuwaa, ‹Elleelli biide, ubbaappe dooretteedda lo"o mayuwaa ahiide, Aa mayzzite; Aa birad’d’iyan migiduwaa, Aa gediyankka c’aammaa*15:22 Migiduwaa, c’aammaa: Ha k’aalatuu na’aa aabbu, Aa polo wozanaappe akkowaa bessiyaawantta. Migiduu, he na’ay gollen de’iyaa asatuwaa ubbaappe lo"o s’eeletteeddawaa bessee. C’aammay k’ay, I bare aabboo ayile gidennaadan na’aa gidiyaawaa bessee. Ayilatuu he wode c’aammaa wotsikkino. wotsite. 24 Ayaw gooppe, hawe ta na’ay hayk’k’eedda; shin ha"i pas’eedda; bayeedda; shin ha"i beetteedda› yaagina, nashechchaa doommeeddino.

2. DFBE Gesha Matsafa

   11 ጉጂደ የሱስ፥ "ላኡ ናናይ ደእያ እት ብታኒ ደኤ፤ 12 ኡንቱንቱፐካ ቴፋ ናአይ፥ ‘ነ ማጹዋፐ ታና ጋክያዋ እማ’ ጌዳ። አዉካ ባረ ማጹዋፐ ናናቶ ግሼዳ። 13 ጉ ዎድያፐ ጉይያን ቴፋ ናአይ ባረና ጋኬዳዋ ኡባ ሺሽ አኪደ ህን ሃኮ ጋደ ቤዳ፤ ሄዋን ባረ አኬዳ ሚሻ ኡባ ላል ዉርስ አጌዳ።

   20 ሄ ማንእያን ደንዲደ ባረ አቡኮ ዬዳ።

   "እ ብሮ ሃኩዋን ደእሽን፥ አዉ በኢደ፥ አዉ ቃረቴዳ፤ አኮ ዎጽ ቢደ፥ አ እድም የሬዳ።

   22 "ሽን አዉ ባረ ኦሳንቻቱዋ፥ ‘ኤሌል ቢደ፥ ኡባፐ ዶረቴዳ ሎኦ ማዩዋ አሂደ፥ አ ማይዝተ፤ አ ብራያን ምግዱዋ፥ አ ገድያንካ ጫማ*15:22 ምግዱዋ፥ ጫማ፦ ሀ ቃላቱ ናኣ አቡ፥ አ ፖሎ ዎዛናፐ አኮዋ በስያዋንታ። ምግዱ፥ ሄ ናአይ ጎለን ደእያ አሳቱዋ ኡባፐ ሎኦ ጼለቴዳዋ በሴ። ጫማይ ቃይ፥ እ ባረ አቦ አይለ ግደናዳን ናኣ ግድያዋ በሴ። አይላቱ ሄ ዎደ ጫማ ዎክኖ። ዎተ። 24 አያዉ ጎፐ፥ ሀዌ ታ ናአይ ሀይቄዳ፤ ሽን ሀእ ፓጼዳ፤ ባዬዳ፤ ሽን ሀእ ቤቴዳ’ ያግና፥ ናሸቻ ዶሜድኖ።