Marcos 10

Yesuusi Qooqaa Barxxamoosa Ayfiyaa Patheedda

46 Unttunttu Iyarkko giyaa katamaa beeddino; Yesuusi barena kaalliyaawanttunnanne cora asaanna Iyarkkoppe kesishshin, Ximoosa na7ay qooqay, Barxxamoosa giyaawe, ogiyaa doonan woossiidde utteedda. 47 Barxxamoos Naazireetiyaa Yesuusa gideeddawaa sisiide, bare kooshshaa dhoqqu oothiide, "Daawite na7aa *10:47 Daawite na7aa: Ayihude asatuu Xoossaan Okettowe Daawite zerethaappe yelettanawaa yaagiide qooppiyaa diraw, Xoossaan Okettowe "Daawite na7aa" yaagetti xeesettee. Yesuusaa, taana maaraarikki!" yaagussaa doommeedda.

48 Cora asay A, "Hayzza!" giide hanqqetteedda.

Shin, I bare kooshshaa kasewaappekka darissi dhoqqu oothiide, "Daawite na7aw, taana maaraarikki!" yaageedda.

49 Yesuusi ogiyaan eqqiide, "A haa xeesite" yaageedda.

Unttunttu qooqaa, "Aynne baawa; dendda eqqa; neena xeesee" yaagiide xeeseeddino. 50 Qooqay bare mayuwaa olii aggiide, guppi denddi eqqiide, Yesuusakko beedda.

51 Yesuusi A, "Taani new ayaa oothanaw koyyay?" yaageedda.

Qooqay, "Tamaarissiyaawoo, taani xeellanawaa koyyay" yaageedda.

52 Yesuusi A, "Ba; ne ammanuu neena patheedda" yaageedda. Elekka A ayfii xeellii aggina, ogiyaan Yesuusa kaallii aggeedda.