Marqqoossa 14:43-46,50

Em outras traduções

1. DFBLVL Geeshsha Mas'aafaa

   43 Yesuusi hewaa biro haasayishshin, tammanne laa"u Aa kaalliyaawanttuppe ittuu, Yihudaa Ask’k’orootu, ellekka gakki wod’d’eedda; k’ay k’eesatuwaa kaappatuu higgiyaa tamaarissiyaawanttunne c’imatuu kiittina, mashshaanne s’am"aa oyk’k’eedda c’ora Asay aanana ittippe yeedda. 44 Yesuusa aatsi immiyaawe he c’ora asaw, «Taani yeriyaawe Aa; Aa oyk’k’iide loytsi naagiide, afite» yaagiide mallaa odi wotseedda.

   45 Yihudaa Ask’k’orootu gakkosaannakka Yesuusakko shiik’iide, «Tamaarissiyaawoo» yaagiide Yesuusa yeri akkeedda. 46 He c’ora Asay Yesuusa minisi oyk’k’eedda.

   50 Yesuusa kaalliyaawanttu ubbatuu Aa yeggiide bi aggeeddino.

2. DFBE Gesha Matsafa

   43 የሱስ ሄዋ ብሮ ሃሳይሽን፥ ታማነ ላኡ አ ካልያዋንቱፐ እቱ፥ ይሁዳ አስቆሮቱ፥ ኤለካ ጋክ ዎዳ፤ ቃይ ቄሳቱዋ ካፓቱ ህግያ ታማርስያዋንቱነ ጭማቱ ኪትና፥ ማሻነ ጻምኣ ኦይቄዳ ጮራ አሳይ አናና እትፐ ዬዳ። 44 የሱሳ አ እምያዌ ሄ ጮራ አሳዉ፥ "ታን የርያዌ አ፤ አ ኦይቂደ ሎይ ናጊደ፥ አፍተ" ያጊደ ማላ ኦድ ዎዳ።

   45 ይሁዳ አስቆሮቱ ጋኮሳናካ የሱሳኮ ሺቂደ፥ "ታማርስያዎ" ያጊደ የሱሳ የር አኬዳ። 46 ሄ ጮራ አሳይ የሱሳ ምንስ ኦይቄዳ።

   50 የሱሳ ካልያዋንቱ ኡባቱ አ የጊደ ብ አጌድኖ።