Marqqoossa 15

Yesuusa Hayquwabaa

33 Usuppun saatiyaappe doommiide, udduppu saatiyaa gakkanaw, gadiyaa ubbay dhumeedda. 34 Udduppu saatiyaan Yesuusi bare qaalaa dhoqqu oothiide, "Elohee, Elohee, laamaa sabaqitaanii?" *15:34 "Elohee ... laamaa sabaqitaani": Ha qaalatuu Yesuusi ha alamiyaan ashuwaa mayyiide simerettiyaa wode haasayettiyaa Aramaayike geetettiyaa qaalaan haaseyettowaa. yaageedda. Hewaa giyaawe, "Ta Xoossaw, ta Xoossaw, taana ayissi aggaaddii?" giyaawaa. ✝15:34 Maz 22:1