Maatoossa 15

3 Yesuusi zaariide, unttuntta hawadaan yaageedda; "Hinttenttu hintte wogaa diraw, Xoossaa azazuwaa poliyaawaa ayissi ixxiitee? 4 Ayissi gooppe Xoossay, ‘Ne aabbanne ne daayo bonchcha’ qassi, Bare aabba woy bare daayo boriyaawe hayqqo yaageedda. ✝15:4 Kes 20:12; 21:17; Zar 5:16; Wog 20:9 5,6 Shin hinttenttu, ‘Itti asay bare aabba woy bare daayo maaddiyaabay barew de7iina, "Hewe Xoossaawaa" gooppe, bare aabba woy bare daayo bonchchanaw bessenna’ yaagiita; yaatiide hinttenttu hinttenttu wogaa polanaw Xoossaa qaalaw azazettikkita. 7 Ha lo77a malatiyaa iita asatoo, Isiyaasi balennaan hinttenttubaw timbbitiyaa odiidde,

8 ‘Xoossay hawadaan yaageedda;

"Hawe asay taana

bare bolla doonan bonchchee;

shin unttunttu wozanay

taappe haakuwan de7ee.

9 Asay taw mela goyinnee;

ayissi gooppe, asay ootheedda azazuwaa

Xoossaa higgiya malatissiide

tamaarisseeddino" geedda’ "

yaageedda. ✝15:8-9 Isa 29:13