Maatoossa 16:1-4

Em outras traduções

1. DFBLVL Geeshsha Mas'aafaa

   1 Itti itti Parisaawatuunne Saduk’aawanatuu Yesuusakko yiide, Aa paac’c’anaw koyyeeddino; yaatiide barentta saluwaappe malaataa bessana mala woosseeddino. 2 Shin Yesuusi zaariide, unttuntta hawaadan yaageedda; «Sa’ay k’ammiyaa wode hinttenttu, ‹Saluu zo"eedda diraw, sa’ay shammanawaa› yaagiita; 3 wonttumaatsaan k’ay, ‹Saluu zo"iide gubbaneedda diraw, hachche iray bukkanawaa› yaagiita; saluwaa s’eelliide, sa’ay hananawaa eranaw danddayiita; shin ta yuussaa wodiyaa malaataa shaakki eranaw danddaykkitee?*16:3 Itti itti Geeshsha Mas’aafaa beni biletsatuwaan Yesuusa k’aalatuu ha paydatuwaan baawa. 4 Ha wodiyaa Asay iitaynne woshummiyaawe, S’oossaw ammanettennawe, malaataa koyyee; nabiyaa Yoonaasa malaataappe attin, hara malaatay aw imettenna» yaageedda. Hewaappe simmiide, unttuntta aggiide beedda.

2. DFBE Gesha Matsafa

   1 እት እት ፓርሳዋቱነ ሳዱቃዋናቱ የሱሳኮ ዪደ፥ አ ፓጫናዉ ኮዬድኖ፤ ያቲደ ባረንታ ሳሉዋፐ ማላታ በሳና ማላ ዎሴድኖ። 2 ሽን የሱስ ዛሪደ፥ ኡንቱንታ ሀዋዳን ያጌዳ፤ "ሳአይ ቃምያ ዎደ ህንተንቱ፥ ‘ሳሉ ዞኤዳ ድራዉ፥ ሳአይ ሻማናዋ’ ያጊታ፤ 3 ዎንቱማን ቃይ፥ ‘ሳሉ ዞኢደ ጉባኔዳ ድራዉ፥ ሀቼ እራይ ቡካናዋ’ ያጊታ፤ ሳሉዋ ጼሊደ፥ ሳአይ ሀናናዋ ኤራናዉ ዳንዳዪታ፤ ሽን ታ ዩሳ ዎድያ ማላታ ሻክ ኤራናዉ ዳንዳይክቴ?*16:3 እት እት ጌሻ ማጻፋ በን ብለቱዋን የሱሳ ቃላቱ ሀ ፓይዳቱዋን ባዋ። 4 ሀ ዎድያ አሳይ ኢታይነ ዎሹምያዌ፥ ጾሳዉ አማነተናዌ፥ ማላታ ኮዬ፤ ናብያ ዮናሳ ማላታፐ አትን፥ ሀራ ማላታይ አዉ እመተና" ያጌዳ። ሄዋፐ ስሚደ፥ ኡንቱንታ አጊደ ቤዳ።