Maatoossa 24

Iitanne Lo77o Qoomaa Leemisuwaa

45 "Yaatina, bare soy asaw qumaa koshshiyaa wodiyaan immana mala, A goday suntheedda ammanetteedda wozanaama qoomay oonee? 46 I hewaadan oothishshin, A goday yiide demmiyaa qoomay anjjetteeddaawaa. 47 Taani hinttenttoo tumuwaa oday; goday he qoomaa barewaa ubbaa bolla sunthana. 48 Shin qoomay iita gidooppe, ‘Ta goday gami77iide yaanawaa’ yaagiide bare wozanaan qoppiide, 49 bare laggethaa qoomatuwaa wadhaa doommooppe, mathottiyaawanttunna mooppenne ushooppe, 50 he qoomaa goday I qoppibeenna gallassaaninne I eribeenna saatiyaan yaana. 51 Hewaappe guyyiyan A qanxxereethiide, *24:51 A qanxxereethiide, guussay kessi kare olanawaa giyaawaa. lo77a malatiyaa iita asatuu de7iyaasaan wothana; hewaan I yeekkananne achchaa dhaqana.