Mateus 5

Tumu Anjjuwaa Akkiya Asatuwaa

3 "Barenttu ayyaanaa de7uwaan hiyyeesaa gideeddawaa

eriyaawanttu anjjetteeddawantta;

ayissi gooppe, saluwaa kawutethay unttunttussa.

4 Kayyottiyaawanttu anjjetteeddawantta;

ayissi gooppe, Xoossay unttuntta minissana. ✝5:4 Isa 61:2

5 Ashikke gideeddawanttu anjjetteeddawantta;

ayissi gooppe,

unttunttu sa7aa laattana. ✝5:5 Maz 37:11

6 Xillotethaa koshattiyaawanttunne saamettiyaawanttu *5:6 Hawaa bilethay Xoossaw eeno giyaawantta woy lo77obaa woy tumobaa oothiyaawantta guussaa.

anjjetteeddawantta;

ayissi gooppe, Xoossay unttuntta kalissana.

7 Maariyaawanttu anjjetteeddawantta;

ayissi gooppe,

Xoossay unttuntta maarana.

8 Wozanaa geeshshatuu anjjetteeddawantta;

ayissi gooppe,

unttunttu Xoossaa be7ana.

9 Asaa sigethiyaawanttu anjjetteeddawantta;

ayissi gooppe, Xoossay unttuntta,

bare naanaa giide xeesana.

10 Xillotethaa diraw

yedersettiyaawanttu anjjetteeddawantta;

ayissi gooppe, saluwaa kawutethay unttunttussa. *5:10 saluwaa kawutethay unttunttussa: Guussay he asatuu saluwaa kawutethaa laattanaw danddayiyaawantta gidiyaawaa bessee.

11 "Hintte taana kaalliyaa diraw, asay hinttena boriyaa wodenne waayissiyaa wode, qassi hintte bolla iitabaa ubbaa wordduwan haasayiyaa wode, hintte anjjetteeddawantta. 12 Hinttew saluwan wolqqaama woytay de7iyaa diraw, nashettite; hashshu giite; ayissi gooppe, asay hintteppe kase de7eedda nabatuwaa hewaadan yedersseeddino.