Ellennge 20

Esꞌkohro elam

11 N kehm kpe nyehn egburu mbarebare eti etul, fere nyehn nne jehk no.*20:11 Mat 25:31-32 Elbung abola ndi kehm beke go ege esamahr tahm. Edi ajehng ajehng kpeem jol ka bo, ji bo bahke jolo.*20:11 2 Pit 3:7,10,12 12 Owo n kehm kpe nyehn akvne, egom jindiki jolo abonse, egom jehko anebkul, bo yim go mbuksong eti etul jio. Esowo kehm lennge awer, kehm kpe lennge nwer nyehko nyi jolo nwer nyi elkpin.*20:12 Fil 4:3 Akvne nyao, bo lame bo ana bo nyono go awer nyao, jang jang ana bo limi no. 13 Agburu aya yake akvne nya woomo atahng ka. Elkv abola ejahbe akvne tob yake akvne nya bo fili no ka.*20:13 Jon 5:28-29 Bo lame bo jang jang ana bo limi no.*20:13 Rom 2:6

14 Elkv abola ejahbe akvne, bo rodo bo, ro kak go eto agun.*20:14 1 Kor 15:26 Eto agun jio ji li etoono elkv nehko. 15 Nne awohng awohng no bo ki nyon mbing enye go nwer nyio nyi elkpin, bo rod-e na, ro kak go eto agun.*20:15 Mat 25:41