Apocalipse 21

Elbung ni nfenfe, a ndi nyi nfenfe

1 Owo n kehm kpe nyehn elbung ni nfenfe, fere nyehn ndi nyi nfenfe.*21:1 2 Pit 3:13 Tibre ngbokambang elbung, a ngbokambang a ndi ebtan. Agburu aya kpeem li elikiliki.

2 Owo n kehm kpe nyehn mbarebare ejahbe, Jeusalem ji nfenfe kpꞌbadde go ejahbetul Esowo abake.*21:2 Hib 11:10,16 Á toobo ebjing, fere liibi ana nkalanne liibi re, á song kpiri nlumanne.*21:2 Ell 19:7 3 N wuku ellum ni bungu wahre wahre go eti etul jio re, "Anv, Esowo bahke kake elsi ene goji ane. Á bahke lene tob bo. Bo bahke jolo ane ebe. Yefono antahng bahke jolo a bo, fere jol Esowo ebo. 4 Á bahke fulu bo abonngo kpee go bo amahr. Elkv nehm kpe jol ejolojolo. Ndon anyehng anyehng nehm kpe jol. Aling nehm kpe jol. Ayam nehm kpe jol. Tibre nsol nyi tohko jol ebtan."

5 Nne no jehk go eti etul jio kehm bungu re, "Anv, n kpꞌlimi nsol kpee, fere jol nyi nfenfe."*21:5 2 Kor 5:17 Á kpe bung re, "Nyon alum nyaa, tibre alum nyaa, alum etingitingi nya, li alum nya nne bahke bumu go etingitingi."