5 Ngare nyio eji Pita kpeka wob go ngbekobo, aneb ero jo kake ero tꞌtahne ka Esowo tib go esi ji Pita.
7 Owo enjel nyi Jehova kehm lohngo ba. Ellennge kehm yake go nkimi ngbekobo nyio. Enjel nyio kehm bunu Pita go ebahk, nyahm-e, kehm-e tongo re, "Mehl elwaare!"
Agbekobo nyao kehm soro won-e abo gbo.
10 Eji bo ma sehng ngbokambang a mbꞌbaabe sa, fere sehng etoono sa, bo kehm song rehng go eti mbu ji bo ko akuungu lim, ji nne bahke sehnge o rehng go nfam. Lennge ntahngtahng ka bo. Bo kehm lohngo, jo jen asongo alab mbang. Enjel kehm soro tahm, Pita sa.
12 Á sebe kan kahn ana ma jol me, á kehm tahme go etahk Meri nnyehn Jon, Jon jio ji bo jo lung-e re Mak.12:12 Elt 15:37 Owo ane gbalee jolo no, jo kak ero. 13 Eji Pita jo kahd go mbutahk, nlokeltum no bo jo lung-e re Roda kehm bake. 14 Á liingi kan ellum ni Pita, á bele eyebatahng sehng, jol mbu á lenngem. Á be na be, yel ekpꞌkpa, kehm song tong ane bako re, "Pita noa, yim go mbutahk."
15 Bo kehm-e tongo re, "Anv, esahl bi kp-a lima?" Á kehm faange re, "Lohko li etingitingi."
Bo kehm bungu re, "Enjel enye nyi ona."12:15 Luk 24:37
16 Ngare nyio Pita kpi nkahde nkahde go mbutahk. Bo kehm song lennge mbu, kehm-e nyehne. Eji bo nyehn-e no, kpo bo esi sehng.