Kolosa 1

Nne awo li Kraist?

15 Kraist wo li efꞌtu ji Esowo bi nne lꞌki-e ma nyehn.*1:15 Hib 1:3 Ye wo li nne no gbo mbang jini, njini kehm jolo. 16 Esowo ko nsahm nyi Jisos Kraist, lim nsol kpee nyi li go elbung, a nyi li ndi, nsol nyi e kpꞌnyehne go amahr, a nsol nyi e kil elnyehne go amahr, a nti etul, a afiladi, a atul, go atubesi.*1:16 Jon 1:3 17 Á tohko jol, ejum ajehng ajehng kehm jolo. Ye wo kpꞌwahnge nsol kpee kpꞌjene go elkoono. 18 Ye wo li esi ji ngubjing enye nyi li aneb ero.*1:18 Ef 1:22 Ye wo li mbomannahb. Ye wo li ngbokambang a nne no gbo mbang nyahme go elkv, eji á lꞌjol ngbokambang go ejum ajehng ajehng, fere jol ntubesi.*1:18 Ell 1:5 19 Tibre jo yebe Esowo atahng sehng re, á rod ellub ene kpee, ba woomo Kraist go atahng. 20 Esowo sehnge go ege, ko nsol kpee, feere a nyi go ege, ba jol go elkoono anehng, afi nsol nyi jolo go ndi, afi jolo go elbung. Tibre alung ma Jisos kpo go ekros ma wahnge Esowo ma lim nsol kpee jol go elkoono.*1:20 Ef 1:10; 1 Jon 2:2