Hebreus 10

Atahm li go elfoongo ni atingitingi nsol

1 Atahm nya Moses li go elfoongo ni anoobo nsol nya kpꞌbake, yefono nsol nyio sang.*10:1 Hib 7:19; 8:5 Ajom nyanehm nya Jus kpo lim elya elya. Owo wahnge atahm lꞌkꞌma lim ane ba kpo jeere kohlo Esowo, bo jol go nseenga nseenge go ege esamahr. 2 Jolo jol ano, kehn bo jol rahke ajom alimi. Li re ane ba jo kak Esowo bꞌbar, go bo abiafem nkpelkpel anyehng, kehn Esowo nehme kpe buumu bo abiafem ebo.

3 Wo, ajom nyao nya kpo buumu bo abiafem ebo elya elya. 4 Tibre alung efong, a ma ebul nehm ma tiki ru eltim abiafem.