Hebreus 12

Esowo kpo kak ane ba kpo kor-e erem

1 Fvfo, eji e kpi egburu ellong atianse ana nia ni yim senng-r kak, nong, wahr tob radden elsol anehng anehng fvfo,*12:1 Mat 11:28 fere laade abiafem nya ma-r sahb lꞌlaake.*12:1 Rom 7:21 Nong, wahr been abahl go ekakesehk,*12:1 1 Kor 9:24-27 nya Esowo ma toobo bum-r, 2 jo soro na asi, jo seenge Jisos, ye ji ekakesehk ejahre tohk-e no, bomo go mbomannahb tete rehng go esꞌkohro, ye ji erem esono bi bo son-e no ki-e tohko lꞌlub, á fere kpuumu erem bi ekros tib go eyebatahng ji noongo, jo sik-e, kehm song ji go eboblum eti etul ji Esowo.

3 Jo buumen ye ji ma kpuumu erem bi aneb abiafem jo ko-e ekv, eji lꞌki-n jo kpen, ń fere jo yini ekpu.