João 4

46 Á kehm feere tahm go Kena ji Galili, ejahbe jio ji á ko alahb lim, siingi amahm. Ntubesi ejahbe awohng jolo go Kapenium, no mmon ewe jo yam. 47 Á wuku kan re, Jisos eblohng go Judea ba go Galili, á kehm bake goji Jisos, ba gboong-e re, á je go Kapenium, song lim mmon ewe, á nob. Tibre mmon ewe nong go emel elkv.

48 Owo Jisos kehm-e tongo re, "Tohko tiki jol re, ń nyehne akpokosi, ń kpehme tiki taame."*4:48 Jon 2:18; 1 Kor 1:22

49 Ntubesi ejahbe noo kehm-e tongo re, "Nsoo, ba wahr tahm, mmon ewame yahke kpo."

50 Jisos kehm-e faange re, "Song, mmon ewa bahke kpini!" Nne noo kehm soro taame tv alum nya Jisos bungu no tong-e, kehm soro tahm eje.

51 Eji á jo kehnge, alokeltum ebe kehm ba wan-e go mbang, kehm-e tongo re, "Mmon ewa kpeke li go elkpin."

52 Á kehm bahbe bo ngare nyi mmon ewe kehme elnobo. Bo kehm-e tongo re, "Nyaane ngare efin nkaranka anyehng, owo á nobo arumbum nyao."

53 Nde mmon kehm soro buumu tvtv re, ngare nyio nyi Jisos tong-e re, "Mmon ewa bahke kpini." Yefono antahng kehm taame tv-e, a ane ba lene go ege a nlaaga kpee.

54 Etoono nkpokosi nyi a, nyi Jisos kpe lim ngare nyio nyi á lohngo go Judea, feere go Galili.