Mmon elwur
11 Owo Jisos kehm bungu re, "Nne awohng jolo go, no bele abon ba nlum na abal. 12 Nkalla kehm tongo nde re, ‘Nsoo, ka-m ejang nsol nyi bahke jolo nyꞌnyame.’ Owo nde noo kehm bake abon ebe na abal nsol enye.
13 "Gaam kang, mmonkalla noo kehm kpuku nsol kpee nyi á bele no, tahm go nlaabambang ejahbe.15:13 Jon 21:18 Owo á song li akpohko enye go mbang elwur kpee mal.15:13 1 Kor 6:19
20 "Owo á kehm mehle, feere goji nde. Jol á gaam kabbe go etahk nde, nde kehm-e nyehne. Ndon kehm-e fili, á kehm beke, song bing-e, fere sod-e nnyo.
22 "Nde kehm lungu alokeltum ebe, kehm tongo bo re, ‘Song koon ekpawobo ji nno a nno ba a ji, wahn ba kak-e. Tob kaken ye ebil go ebo, wahn fere kak-e akpaketa go akpade. 24 Tibre mmon ewame noa kpꞌkpo, wo anv, yebfere jol go elkpin.15:24 Ef 2:4-5 Á tꞌtan. Anv a, m m-e nyehn.’
"Owo bo kehm soro bom elkak nio go ellimi.