16 Jisos kehm jeke go Nasaret, edi ji bo le-e no, á gbal. Efung Esabat á kehm jeke go etahk ero ana á jo kono ellimi. Á kehm mehle yiimi re á lung edi nwer Esowo. 17 Bo kehm-e kake nwer nyi nnyehnamahr Aisaya. Eji á ma lennge nwer nyio, á kehm song nyehn edi ji bo nyono re,
18 "Etohko ji Jehova jia, kun-m.
Á ma-m tum re me n song tiingi etib bi bahke wahnge aneb agbekobo for, awakamahr nyehn.
Á ma-m tum re me n song tahre ane ba kpꞌnyehne erem yehke bo go afemfem nya bo wob no,
19 fere tong ane re,
Elya eyebatahng ni Jehova ebrehng."
20 Eji á ma bulu nwer nyio, á kehm feere a nyi ka nlokeltum, kehm jehke. Ane kpee ba woomo go ekpꞌkpa ero jio jo seeng-e na seenge too.
21 Owo á kehm kehme elbungu a bo re, "Edi nwer Esowo jia ebjol go etingitingi lela, eji ḿ ma wuk."