24 Eji ane ba Jon tumu bo ma feere fi, owo Jisos kehm bomo elbungu bada Jon, tong ellong ane bao re, "Ń jo lohngo je elka emahng re wahn song nyehn jen? Eljele ni nfeb kpꞌlimi, kpꞌneenga? 25 Jen ji ń jo jꞌje re wahn song nyehn? Nne no liibi anoobo nsola? Etingitingi, elkohn ane ba kpo liibi ano, fere jo li ebno, bo kpo kono eljolo go ntahk atul.7:25 Mak 1:6 26 Anv, ejum aji ń jo je re wahn song nyehn? Nnyehnamahra?
"Etingitingi, n kp-n tongo re, wahn ebnyehn nne no gbale sehnge nnyehnamahr. 27 Tibre Jon wo li nne no nwer Esowo bungu no bada ne re,
" ‘M bahke tumu ntiingetib ewame re
á gbo-a mbang, song tuungu mbang bum-a.’
28 "N kp-n tongo re, Nne awohng awohng limm, no ma jꞌjol go njini nyia no gbale sehnge Jon.7:28 Luk 1:15 Wo, nne no sahb rꞌrede, no kun etul bi Esowo, á gbale sehnge ye."7:28 Mat 13:17
29 "Ane kpee, a abakokatak ba wuk-e no, bo ba taame re, Esowo lohko li go etingitingi, tib eji bo ma bel ewohngalahb ji Jon.
30 "Bab Farisi, a atꞌtibi ba atahm tꞌten ji Esowo toobo re á lim ka bo, eji ki kor bo re bo bel ewohngalahb jio ji Jon.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)