Matiu 20

Ana Jisos limi awakamahr abal, bo nyehn

29 Eji bo jo tahm go Jeriko asongo, ellong ane gbalee kehm tahme toono Jisos.

30 Awakamahr na abal ji o nkpe a mbang. Eji bo wuku re, Jisos kpꞌbake elsehnge, bo kehm kehme elrabe re, "Mmon no Devid, nong, wahr fil-a ndon!"

31 Ellong ane bao kehm sahde bo re bo rahke ewok. Bo jo kpe nyennge na rabe re, "Mmon no Devid, nong, wahr fil-a ndon, nsoo!"

32 Jisos kehm yiimi, lung bo re bo ba. Á kehm bahbe bo re, "Ń kpꞌsebe re me n lim jen ka-n?"

33 Owo bo kehm-e faange re, "Nsoo, lub lenng-r amahr enyahre!"

34 Owo Jisos ndon kehm-e fili. Á kehm song kooro bo abo go amahr, bo kehm soro nyehn tvtv, soro tahm toon-e.