Ana Jisos bungu tong nfeb, a ebuku
23 Jisos kehm yele go egbang, abatꞌtoono ebe tahm toon-e. 24 Owo egburu nfeb nyi nnen a nnen kehm ba kehme ellimi go eto jio, ebuku jo lim, bulu egbang. Ngare nyio Jisos jo lꞌlal. 25 Abatꞌtoono ebe kehm jeke go ege, song nyahm-e, kehm-e tongo re, "Nsoo, tahr-r, e kpꞌtane na a!"
26 Jisos kehm faange bo re, "Jen ji wahnge ń kpꞌfahle ana, wahn ji kpꞌkahn taame ntiil?"8:26 Mat 14:31; 16:8 Owo á kehm mehle yiimi, kehm nyame nfeb, a ebuku. Edi kehm naange soom.
27 Owo kehm kpoko ane bao esi. Bo kehm bungu re, "Elkohn nne awo anae, no kpo bung tong nfeb, a ebuku, bo wuk-e?"
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)