Romanos 8

Elkpin nfenfe ni etohko

1 Fvfo, ane ba li ka Kraist Jisos nehm kpe li ebi ajehng ajehng go esamahr bi Esowo.*8:1 Rom 3:22 2 Tibre ntahm nyi etohko jio ji kpo ka elkpin ni Kraist Jisos, nyi nyi ma-m lim, m ma for go ntahm nyio nyi abiafem, fere for go elkv.

3 Tibre Esowo eblim ji atahm ki ma lim, tib eji ngubjing kpꞌleenge.*8:3 Elt 13:39 Esowo tumu Mmon ewe antahng antahng ana nne no kpi ngubjing nyi abiafem. Á tum-e tib go esi ji abiafem, eji á lꞌka abiafem ebi go ngubjing nyi Jisos.*8:3 Gal 3:13

4 Eji Esowo limi ano, á limi kpee ji atahm bungu no, biingi go nseenge ka-r,*8:4 Mat 5:17 wahr ji kpꞌjene go mbang nyi etohko, e kil eljene go mbang nyi ngubjing.