Ejumjum limm, ji bahk-r ma yaame go elkoro ni e kpꞌkoro Esowo
31 Anv, eyaame jia e bahke bungu renan? Eji Esowo li a nahre, nne awo bahke kpe mal a nahre? 32 Ye ji ki nok Mmon ewe bum, á yak-e no ka tib go egahre esi, wahr ane kpee, anv, wahr á nehm tob ka nsol kpee buda?8:32 Jon 3:16 33 Nne awo bahke ma ka ane ba Esowo ma yehke ebi?8:33 Ell 12:10 Esowo bi ma bung re, bobli eno! 34 Nne awo bahke ma bung re, bobli ebi? Kraist Jisos wo kpo no, fere nyahme go elkv, ye jio ji jehk go eboblum Esowo kpꞌgboongo Esowo ka-r.8:34 1 Jon 2:1