2 Reis 2

O nalačho paňi hino sasťardo

19 Varesave Jerichoskre murša phende le Elizeoske: „Dikh, rajeja amaro, andre kada foros pes mištes amenge bešel, ale o paňi nane lačho a e phuv na anel uľipen*2,19 Abo: le džuvľenge uľon mule čhave ."

20 „Anen mange nevo čaro a thoven andre lon," phenďa lenge. Sar oda čaro leske ande, 21 geľa paš o paňi, čhiďa andre o lon a phenďa: „Kavke phenel o RAJ: ‚Sasťarďom kada paňi. Imar ňiko kale paňestar na merela a e phuv anela o uľipen.‘ " 22 Oda paňi hino dži adadžives lačho, avke sar phenďa o Elizeus.