1. Mojžišoskro 4

12 Kajte kereha phares buči pre maľa, na barola tuke ňič. Phireha upre tele pal e phuv a ňikhaj na arakheha o smirom."

13 O Kain phenďa le RAJESKE: „Miro trestos hino bareder, sar birinav te zľidžal. 14 Tu man akana trades avri andral e phuv a mušinava man te garuvel anglal tiro muj; avava tulakos a bludzinava pal e phuv, a te man vareko arakhela, murdarela man."

15 Ale o RAJ leske odphenďa: „Na, oda pes tuke na ačhela, bo oleske, ko murdarďahas le Kain, visarava pale eftavar." Akor o RAJ thoďa pro Kain znakos, hoj les te na murdarel ňiko, ko les arakhela. 16 Avke o Kain geľa het pašal o RAJ a bešelas andre phuv Nod, pro vichodos le Edenostar.