1. Mojžišoskro 45

O Jozef pes del te sprindžarel le phralenge

1 O Jozef pes imar našťi zľikerďa. Vičinďa pre savorende, save ačhenas pašal leste: „Savore džan het!" Avke ňiko ode na sas, sar o Jozef pes diňa te sprindžarel peskre phralenge. 2 Paľis zorales zarunďa. Šunde oda o Egipťana the calo palacis le faraonoskro.

3 Avke phenďa peskre phralenge: „Me som o Jozef! Dživel mek miro dad?" Ale len oda avke zaiľa, hoj na džanenas te phenel aňi jekh lav peskre phraleske.