34 E Maria phučľa le aňjelostar: „Sar pes oda ačhela, se me som mek pačivaľi?"

35 O aňjelos lake phenďa: „O Sveto Duchos avela pre tu a e zor le Nekbaredereskri tut učharela andre. Vašoda oda čhavoro, so tutar uľola, ela sveto a vičinela pes Čhavo le Devleskro. 36 Dikh, tiri famelija e Alžbeta, pre savi phende, hoj la našťi el čhave, hiňi imar šovto čhon khabňi, kajte hiňi phuri. 37 Bo o Del šaj kerel savoro."

38 „Me som le Rajeskri služobňička," phenďa e Maria. „Mi ačhel pes mange pal tire lava." A o aňjelos latar odgeľa.