Lucas 2

O Ježiš uľol

1 Andre ola dživesa o cisaris Augustus diňa avri o prikazis, hoj pes te pisinen andre savore manuša. 2 Kada ešebno zgenďipen pes ačhiľa akor, sar sas o Cirenius vladaris andre Sirija. 3 Savore pes gele te pisinel andre – sako andre peskro foros.

4 Avke geľa the o Jozef andral o galilejsko foros Nazaret andre Judsko, andro Betlehem, andro foros le Davidoskro, bo ov sas potomkos le Davidoskro, 5 hoj pes te pisinel andre la Mariaha, savi sas leha mangaďi a sas khabňi.