Matuš 12

E daj the o phrala le Ježišoskre

46 Medik vakerelas le nipenge, avľa leskri daj the leskre phrala, ačhenas avri a kamenas leha te vakerel. 47 Vareko leske phenďa: „Dikh, tiri daj the tire phrala ačhen avri a kamen tuha te vakerel."

48 Ale o Ježiš leske odphenďa: „Ko hin miri daj a ko hin mire phrala?" 49 Sikaďa le vasteha pre peskre učeňika a phenďa: „Dikh, miri daj the mire phrala! 50 Bo sako, ko kerel e voľa mire Dadeskri, savo hino andro ňebos, oda hin miro phral, miri pheň the miri daj."