13 Avke peske o Boaz iľa la Rut a oj ačhiľa leskri romňi. Sar pes zgele, o RAJ diňa, hoj te ačhel khabňi, a uľiľa lake muršoro. 14 Akor o džuvľa phende la Noemake: „Mi el barardo o RAJ, savo tut adadžives diňa čhavores, savo tut dodikhela4,14 E hebrejiko čhib: o vikupiťeľis! Mi del o RAJ, hoj leskro nav pes furt te leperel andro Izrael. 15 Ov tuke obdžiďarela o jilo a ľikerela tut dži ke tiro phuripen. Anďa les pro svetos tiri bori, savi tut kamel. Oj tuke hiňi feder, sar te tut uľahas efta čhave!"
16 E Noemi igen kamelas le čhavores, iľa les pro vasta a bararelas les avri. 17 O džuvľa, save bešenas paš e Noemi, dine le čhavores nav Obed a phenenas: „La Noemake uľiľa muršoro." O Obed sas dad le Izajoske a o Izaj sas dad le Davidoske.
Le Perecoskro rodokmeňos
18 Kada hin le Perecoskro rodokmeňos: O Perec sas dad le Checronoske, 19 o Checron sas dad le Ramoske, o Ram le Aminadaboske, 20 o Aminadab le Nachšonoske, o Nachšon le Salmonoske, 21 o Salmon le Boaziske, o Boaz le Obedoske, 22 o Obed le Izajoske a o Izaj sas dad le Davidoske.