1 ሄ ዎዴ ሙሴይኔ ኢስራኤሌ ኣሳይ ሃይሳ ዬዛ ጎዳስ ዬጺዴስ፤

«ቦንቾን ኢዚ ኬሂ

ቁ ቁ ጊዳ ጊሻስ፥

ታኒ ጎዳስ ዬ

ዬጻና።

ፓራኔ ፓራ ቶጊዳ ኣሳ

ኣባ ጊዶን ዬጊዴስ።✝15፡1 ኣጁ 15፡3

2 ጎዳይ ታስ

ዎልቃኔ ዬ፤

ኢዚ ታና ኣሺዴስ።

ኢዚ ታ ጾሳ፤

ታኒ ኢዛ ሳባና።

ኢዚ ታ ኣዋ ጾሳ፤

ታኒ ኢዛ

ቁ ቁ ሂስታና።✝15፡2 ማዛ 118፡14፤ ኢሳ 12፡2

3 ጎዳይ ኦላንቻ፤

ኢዛ ሱንካ ጎዳ።

4 ጊብጼ ካዎ ፓራ-ጋሬታኔ

ኢዛ ኦላንቻታ

ኣባን ዉርሲዴስ፤

ኡባፌ ኣ ዶሬቲዳ

ጊብጼ ካዎ ሃላቃቲ፥

ዞኦ ኣባን ሚቴቲዳ።

5 ጪማ ሃ

ኢስታ ካሚዴስ፤

ኢስቲ ሹቻ

ጪማን ሚቴቲዳ።

6 «ኣቤት ጎዳዉ!

ኔ ኡሻቻ ኩሼይ

ዎልቃን ጎቢዴስ፤

ጎዳዉ ኔ ዎልቃማ

ኡሻቻ

ኩሼይ ሞርኬ

ሜንሬዴስ።

7 ኔ ጊታ ዎልቃን

ኔናራ ኤቄቲዳይታ

ኩንዲሳዳሳ።

ኤጺዛ ኔ ሃንቆ ኔ ዬዳዳሳ፥

ኢዚካ ኢስታ

ጋፌ ማላ ሚዴስ።

8 ኔ ፔኖይ

ሃ ፑዴ ኤሲ ዶሪዴስ።

ጎጊዛ ሃካ ጎዳ ማላ

ሚኒ ኤቂዴስ፤

ጪማ ጊዶን ዲዛ ሃ

ኣባ ጊዶን ኢርኪዴስ።

9 «ሞርኬይ ጬቄቲሼ፥

‹ታኒ ኢስታ ዬዴ ኦይካና።

ታኒ ኢስታ ሃሮ ሻካዳ፥

ታ ኮዪዳይሳ ኡባ ኤካና።

ታኒ ታ ጊ

ማሻ ሾዳዳ፥

ኢስታ ይሳና› ጊዴስ።

10 ጊዶ ኣቲን ኔኒ ኢስታ

ኔ ፔኖን ፑኒን፥

ኣባይ ኢስታ ካሚዴስ።

ኢስቲ ዎልቃማ ሃን

ቢራታይ ሚቴቲዛ ማላ

ሚቴቲዳ።

11 «ኣቤት ጎዳዉ!

ኤቃ ጾሳታ ጊዶን

ኔ ማላይ ኦኔ?

ጌሻቴን

ቦንቼቲዛይ፥

ቦንቾን ባቢሲዛይኔ፥

ማላሊሲዛ ሚሽ ኦዛይ

ኔ ማላይ ኦኔ?

12 ኔኒ ኔ ኡሻቻ

ኩሼ ፒዲሳዳሳ፥

ቢታይካ ኢስታ ሚቲዴስ።

13 «ኔ ዎዚዳ ኔ ኣሳ

ዉሮንታ ኔ ሲቆን

ካሌዳሳ።

ኔኒ ኔ ዎልቃን

ኢስታ ኔ ኣቂዛ

ጌሻ ሶ ጌልዳሳ።

14 ዴሬ ኣሳይ

ሄሳ ሲዪዲ ኮኮሪዴስ።

ፊሊስጼሜ ቢታ ኣሳታካ

ሂርጋ ሚጻይ ኦይኪዴስ።

15 ሄ ዎዴ ኤዶሜ ቢታ

ሃላቃቲ ዳጋሚዳ።

ሞኣቤ ቢታ ሃሪዛይቲ

ሂርጋን ኮኮሪዳ።

ካናኔ ዴሬ ኣሳይ

ዉሪ ሴሪዴስ።

16 ኣቤት ጎዳዉ!

ዳጋማይኔ ሂርጋይ

ኢስታ ኦይካና።

ኢስቲ ኔ ዎልቃ

ጊታቴ ቤኢዲ፥

ኔ ኣሳይ ኣና ጋካናስ፥

ኔኒ ዎዚዳ ኣሳይ

ኣና ጋካናስ፥

ሹቻ ማላ ቶሌቲ ኤቃና።

17 ኔኒ ኢስታ ኤሃዳ፥

ኔስ ቡዞ ቢታን ዲዛ

ዙማ ሁኤን ቶካና።

ኣቤት ሜርና ጎዶ፥

ሄ ሶሆይ

ኔኒ ኔስ ዴያናስ

ኦዳ ሶሆኮ።

ኣቤት ጎዳዉ! ሄ ጌሻ ሶሆይ

ኔኒ ኔ ኩሼን

ሚን ኤሲዳ ሶሆኮ።

18 ጎዳይ ሜርናፔ

ሜርና ጋካናስ ካዎታና።»

19 ጊብጼ ካዎ ፓራቲ ዉሪ፥ ፓራ-ጋሬቲኔ ቶጋ ኣሳቲ ኣባን ጌሊዳ ዎዴ ጎዳይ ኢስታ ቦላ ኣባ ሃ ጉዬ ዛሪ ኤሂዴስ፤ ጊዶ ኣቲን ኢስራኤሌ ኣሳይ ኣባ ጊዶራ ሜላ ቢታ ቦላራ ሄሜቲዲ ፒኒዴስ።

20 ኣሮኔ ሚቼያ፥ ናቤ ማራማ ካራቤ ኤካዱስ፤ ማጫሳይ ዉሪ ካራቤ ባቂዲ ዬጺሼኔ ጉፒሼ ኢዞ ካሊዴስ። 21 ማራማ ኢስታስ ዬዛ ዬጻሼ፥

«ጎዳይ ኬሂ ቁ ቁ

ጊዳ ጊሻስ ኢዛስ ዬጺቴ።

ፓራኔ ፓራ ቶጊዳይታ

ኢዚ ኣባን ኦሊዴስ»

ጋ ዬጻዱስ።

22 ሄሳፌ ጉዬ ሙሴይ ኢስራኤሌ ኣሳ ዞኦ ኣባፌ ፒንን ኢስቲ ሹራ ጌቴቲዛ ባዞ ቢዳ። ሄ ባዞን ኢስቲ ሃ ዴሞንታ ሄ ጋላስ ሄሜቲዳ። 23 ኢስቲ ማራ ጌቴቲዛሶ ጋኪዳ ዎዴ ማራ ሃ ጫሞ ጊዲዳ ጊሻስ ኡያና ዳንዳይቤቴና፤ ሄሳ ጊሻስ ሄ ሶሆይ ማራ ጌቴቲዴስ። 24 ኣሳይካ፥ «ኑኒ ኣይ ኡያኔ?» ጊዲ ሙሴ ቦላ ዙዙሚዴስ።

25 ሙሴይ ጎዳስ ዋሲን ጎዳይ ኢዛ ኢሲ ሚ ቤሲዴስ፤ ሙሴይ ሄ ሚ ሃን ዬጊን ሃይ ማልኢዴስ።

ሄን ጎዳይ ኢስታስ ዎጋኔ ማራ ኬሲዴሲኔ ኢስታ ፓጪዴስ። 26 ኢዚ ኢስታስ፥ «ጎዳ ኢንቴ ጾሳይ ዮቲዛይሳ ኢንቴ ሎኤ ሲዪኮ፥ ኢዛ ኣይፌ ሲንን ሎኦ ኦኮ፥ ኢንቴ ኢዛ ኣዛዞ ዎዚናን ዎ ናጊኮ፥ ኢዛ ዎጋካ ኡባ ናጊኮ፥ ታኒ ጊብጼ ኣሳ ቦላ ኤሂዳ ሃርጌፌ ኢሳካ ኢንቴ ቦላ ኤሂኬ፤ ጋሶይካ ታኒ ኢንቴና ፓዛ ጎዳ» ጊዴስ።

27 ሄሳፌ ኢስቲ ታማኔ ናምኡ ሃ ፑልቶቲኔ ላፑን ታሙ ዛምባ ሚቲ ዲዛሶ ኤላሜ ዪዲ ሄን ሃ ዶናን ኡቲዳ።