3 ጊዶ ኣቲን ሄይቲ ያርሾቲ ላይን ላይን ናጋራ ዛሪ ዛሪ ቆፍሴቴስ። 4 ጋሶይካ ዎፋኖታኔ ዴይሻታ ሱ ኣሳፔ ናጋራ ዲጋናስ ዳንዳዬና።
5 ሄሳ ጊሻስ ኪርስቶሲ ሃይሳ ሃ ኣላሜዛ ዪዲ፥
«ኔኒ ኢሞታኔ
ያርሾ ኮያቤካ ሺን
ኔ ታስ ኣሾ ጊጊሳዳሳ።10፡5-7 ማዛ 40፡6-8
6 ታማን ጹጌቲዛ ያርሾኔ
ናጋራ ጊሻስ ሺቂዛ ያርሾን
ኡፋዬታቤካ» ጊዴስ።
7 ሄ ዎዴ ታኒ፥
«ታ ጊሻስ ጌሻ
ማጻፋን ጻፌቲዳ ማላ፥
‹ጾሶ፥ ሄኮ ታኒ ኔ ሼኔ
ኦናስ ያዲስ› » ጋዲስ።
8 ሙሴ ዎጋይ ሄሲ ሄሳ ሃናና ማላ ኣዛዚኮካ ኢዚ ቃሴ ኮይሮ፥ «ያርሾ፥ ኢሞታ፥ ጹጌቲዛ ያርሾኔ ናጋራ ጊሻስ ሺቂዛ ያርሾ ኔ ኮያቤካኔ ኢዛን ኡፋዬታቤካ» ጌስ። 9 ካሌዲካ፥ «ሄኮ ታ ኔ ሼኔ ኦና ያዲስ» ጊዴስ። ናምኣንዛ ኤሳናስ ኮይሮይሳ ዲጊዴስ። 10 ሃይሳን፥ «ኢዛ ሼኔ» ጊዛ ቃላ ማላ ሃራ ያርሾ ዛሬ ሺሻናስ ኮሾንታ ማላ ዬሱስ ኪርስቶሳ ባጋራ ኢሲቶ ሺቂዳ ያርሾን ጌዪዶስ።