Sofonias 1

ዎልቃማ ጎዳ ጋላሳ

14 «ጎዳፔ ያና

ጊታ ጋላሳይ ማቲዴስ፤

ሄሲካ ኤሶን ያና፤

ጎዳ ጋላሳን ሲዬታና

ዬሆይ ጫሞ፤

ሄን ኦላንቻቲ

ጫሞ ዋሶ ዋሳና።

15 ሄ ጋላሳይ ባሻ ጋላስ፥

ሜቶኔ ጬጬ ጋላስ፥

ሺሮኔ ይሳ ጋላስ፥

ማ ጋላሲኔ ቱላላ ጋላስ፥

ሻራኔ ጊርዲ ጊዳ ማ

ጋላስ ጊዳና።

16 ሄ ጋላሳይ

ጊምቤቲዳ ካታማታ ቦላኔ

ኣዱሳ ጊምቤታ ቦላ

ኦላ ዛዬይኔ

ኦላ ዋሶይ

ሲዬቲዛ ጋላስ ጊዳና።

17 ኣሳይ ቆቄ ሄሜታና ማላ

ኣሳ ቦላ ታኒ ጬጬ ዬዳና፤

ኣሳይ ጎዳ ቦላ ናጋራ

ኦዳ ጊሻስ

ኢስታ ሱ ዲኦ ማላ ጉካና፤

ኢስታ ኣሃይካ

ቡራ ማላ ኦሌታና።

18 ጎዳ ባሻ ጋላስ

ኢስታ ቢራይኔ ዎርቃይ

ኢስታ ኣሻናስ ዳንዳዬና።

ቢታይ ኩሜ

ኢዛ ሃንቆን ያና፤

ኢዛ ዚልኤቴ ሱሌን

ቢታ ኡባይ ጹጌታና፤

ቢታ ቦላ ዲዛ ኡባ ቦላ

ቆፖንታ ዲሺን ዉርሴ ኤሃና»

ጌስ ጎዳይ።