3 So komagena o Gikimoi Awi dupa de Awi edekati ma ngale nginika gena asa nileleani nikaeli Unaka. So o nyafusu ma dorou upa ngini niaaka. 4 Duma ngini ningodu bilasu nianako idodooha la nia rohe masirete niapareta ḋaputuru*4:4 nia rohe masirete niapareta ḋaputuru: eko <<nioho de nia peḋeka masirete>> ma ngale nia gogoho itiai o Gikimoi Awi simaka de lo o nyawa manga simaka. 5 So upa ngini nia rohe niaaka la ngini o nyafusu ma dorou niamote, maro o nyawa o Gikimoi iwinanakowa gena ona yaaka. 6 Sababu nakoso o nyawa la ona masirete o nyafusu ma dorou yaaka manga dodiao ma peḋekaka, de ona masirete o sala yagaka de lo yakulai manga dodiaoka. Upa lo sidago o nyawa o sala moi-moi magena yaaka, sababu o nyawa manga dorou maro komagena done asa o Jou wafanggali de o dorou. O moi-moi maro komagena iḋomaka ngomi minisingangasu de minisisitiari ḋabolo nginika.

7 O Gikimoi Awi dupa ma ngale nginika gena asa nia gogoho foloi itiai, sababu Una wonahirika, upa ma ngale o nyafusu ma dorou paaka, duma ma ngale nanga gogoho foloisi itiai.