5 Sababu igogou, nakoso komagena o dorou pomaha-maha kawa gena, ngone dede Una asa pomarimoika ma orasi Una wosone. So igogou maro Una so wisioho kali, de komagena lo waaka so ngone o ngeko ḋamomuane ma rabaka pamote.

6 Tanu ngini niosininga kali, o ngeko iḋoḋoma pamomote gena nanga sininga ma dupa ḋatotorou magena ma kuasa isisaka, sababu Una wisangahadika, la ma ngale nanga ngeko ḋatotorou gena inakuasa kawa so upa he pamote kali. De lo o dorou gena inapareta kawa, so upa he posigise. Maro o gilalo moi bilasu ma tuangi awi dupa wosigise gena, he komagena kawa. 7 Upa he nanga dupa ḋatotorou posigise kali, sababu magena yaaku kawa ngone inapareta, maro o sone ma bake so yaaku kawa o sulo moi isigise.