પવિત્ર આત્મા વરદાન
1 ઓ વિસ્વાસી બાહાહાય, તુમહાય માન પવિત્ર આત્મા વરદાના બારામાય સવાલ પુછ્યેલ, મા ઇચ્છા હેય કા તુમા ચ્યા બારામાય હારેકોય હોમજી લા. 2 તુમા જાંઅતેહે, કા જોવે તુમા અવિસ્વાસી આતા, મુર્તિહી પાછલા જેહેકોય કોઆડતે આતેં તેહેકોયનુજ કોઅતે આતેં. 3 યાહાટી મા ઇચ્છા હેય તુમા હોમજાં, કા જીં કાદાં પોરમેહેરા આત્મા અગુવાઈકોય વાત કોઅહે, તો એહેકેન નાંય આખે કા ઈસુ સ્રાપિત હેય, નાંય કાદાં પવિત્ર આત્મા વોગર એહેકેન આખી હોકહે કા, "ઈસુ પ્રભુ હેય."
4 જુદા-જુદા પ્રકારા વરદાને હેય, બાકી પવિત્ર આત્મા યોકુજ હેય. 5 એને તેહેકેનુજ સેવા બી જુદા-જુદા પ્રકારા હેય, બાકી વિસ્વાસી લોક યોકુજ પ્રભુ સેવા કોઅતેહે. 6 પોરમેહેરા આપહે જીવનામાય કામ કોઅના જુદા-જુદા તરીકા હેય, બાકી પોરમેહેર યોકુજ હેય, જો બોદહાન ચ્યાહાટી કામ કોઅના શક્તિ દેહે.
7 પોરમેહેર દરેક માઅહાલ પવિત્ર આત્મા ઉપસ્થિતિ સાબિતી દેહે કા બોદા વિસ્વાસી લોકહા મોદાત કોઅરાહાટી.