12 જોવે ગાલીયો આખાયા વિસ્તારા ઓદિકારી આતો, તોવે યહૂદી લોક એકી કોઇન પાઉલા વિરુદ ઓઅઇ ગીયા, એને ચ્યાલ ન્યાય દેઅના જાગા હામ્મે લેય યેયન આખા લાગ્યા. 13 "ઓ લોકહાન હુમજાડેહે, કા પોરમેહેરા ભક્તિ ઓહડયે રીતે કોઅયા, જીં મૂસા નિયમાહા ઉલટાં હેય."
14 જોવે પાઉલ આજુ બોલના તિયારીમાય આતો, તોવે ગાલીયેય યહૂદીયાહાલ આખ્યાં, "ઓ યહૂદીયાહાય, જો ઈ તે કાય અન્યાય કા ખારાબ વાત ઓઅતી તોવે યોગ્ય આતા કા આંય તુમહે વોનાતો. 15 બાકી જો ઈ બોલાબોલી શબ્દા, એને નાંવહા, એને તુમહે ઇહિને મૂસા નિયમાહા બારામાય હેય, તે તુમાંજ જાંઆ, કાહાકા આંય યે વાતહે ન્યાયી બોના નાંય માગુ."
16 એને ગાલીયેય ચ્યાહાન ન્યાય કોઅના જાગા ઇહિને બારે કાડી દેવાડયા. 17 તોવે બોદા લોકહાય સોબાયેહે ઠિકાણા આગેવાન સોસ્થેનેસાલ દોઇન ન્યાયા જાગા હામ્મે ઠોક્યાં, બાકી ગાલીયાય યે વાતે કાયજ ચિંતા નાંય કોઅયી.