3 બાકી જોવે શાઉલ એને ચ્યા હાંગાત્યા દમસ્ક શેહેરા પાહી પોઅચ્યા, તો અચાનક આકાશામાય ચારીચોમખી ઉજવાડો ચોમક્યો. 4 તોવે તો દોરતીવોય પોડી ગીયો, એને પ્રભુ પોરમેહેરા આવાજ વોનાયો, "ઓ શાઉલ, ઓ શાઉલ તું માન કાહા સતાવી રોયહો?"
5 શાઉલે પુછ્યાં, "ઓ પ્રભુ, તું કું હેય?" ચ્યેય આખ્યાં, "આંય ઈસુ હેય, જ્યાલ તું સતાવતોહો. 6 બાકી આમી ઉઠીન શેહેરામાય જો, કાદો તુલ આખી દી કા તુલ કાય કોઅના હેય." 7 જ્યેં માઅહે ચ્યાઆરે આતેં, ચ્યે ઠાઅકે રોય ગીયે; કાહાકા આવાજ તો ચ્યે વનાતે આતેં, બાકી કાદાલ દેખાતા નાંય આતા.
8 તોવે શાઉલ દોરત્યેવોયને ઉઠયો, એને જોવે ડોળા ઉગાડયા તોવે ચ્યાલ કાંઇજ દેખાયાં નાંય, એને ચ્ચે ચ્ચા આથાલ દોઇન દમસ્ક શેહેરામાય લેય ગીયા. 9 એને તો તીન દિહી લોગુ દેખી નાંય હોક્યો, એને નાંય ખાદાં એને નાંય પિદાં.