20 આંય કેવળ યા શિષ્યહા હાટી પ્રાર્થના નાંય કોઉ, બાકી ચ્યાહાહાટી બી જ્યેં યા શિષ્યહા સંદેશ વોનાયને માયેવોય બોરહો કોઅરી. 21 કા ચ્યે બોદે યોક ઓએ, ઓ આબા, જેહેકેન તું માંયેમાય હેય, એને આંય તોમાય હેતાંવ, તેહેકેન ચ્યે બી આપહામાય રોય, યાહાટી કા દુનિયા લોક બોરહો કોએ, કા તુયેજ માન દોવાડયોહો. 22 એને તી મહિમા જીં તુયે માન દેનલી હેય, તી માયે ચ્યાહાન દેનહી, યાહાટી કા ચ્યા તેહેકેન યોક ઓઈ જાય, જેહેકેન આપા હેજે. 23 આંય ચ્યાહામાય એને તું માંયેમાય, યાહાટી કા ચ્યા પુરેરીતે કોઇન યોક ઓઈ જાય એને દુનિયા લોકહાન ખોબાર પોડે કા તુયે માન દોવાડયો, એને જેહેકેન તુયે માયેવોય પ્રેમ કોઅયા, તેહેકેન ચ્યાહાવોય પ્રેમ કોઅલા હેય.