João 3

3 ઈસુવે ચ્યાલ જાવાબ દેનો, "આંય તુલ હાચ્ચાં-હાચ્ચાં આખતાહાવ, જોવે માઅહું પાછો જન્મો નાંય લેય તે પોરમેહેરા રાજ્ય નાંય એઇ હોકે." 4 નિકોદેમુસે ચ્યાલ આખ્યાં, "માઅહું ડાઆયા ઓઈ ગીયા, પાછે કેહે કોઇન જન્મો લેય હોકે? તો પાછો ચ્યા આયહે બુકામાય ઉરાઈન પાછો જન્મો લેય હોકહે કા?" 5 ઈસુવે જવાબ દેનો, "આંય તુલ હાચ્ચાં-હાચ્ચાં આખતાહાવ, જોવે માઅહું પાઅયા કોઇન એને પવિત્ર આત્માકોય જન્મો નાંય લેય તોવે તો પોરમેહેરા રાજ્યામાય નાંય પ્રવેશ કોઅઇ હોકે. 6 કાહાકા માઅહા પાઅને જન્મો શારીરિક જન્મો હેય, એને પવિત્ર આત્માપાઅને જન્મો તો નોવો જન્મો હેય. 7 તું નોવાય નાંય પામા જોજે, માયે તુલ આખ્યાં કા, તુલ નોવો જન્મો લેઅના જરુરી હેય. 8 જીં માઅહું પવિત્ર આત્માકોય જોન્મુલા હેય તો વારા હારખો હેય, વારો ગોમે તાં જાહાય, ચ્યા આવાજ તું વોનાતોહો, બાકી તો કેછને યેહે એને કેછ જાહાય, તી તુલ ખોબાર નાંય પોડે."