João 4

રાજા ચાકારા પોહાલ હારાં કોઅના

46 ઈસુ પાછો ગાલીલ ભાગા કાના ગાવામાય યેનો, જાં ચ્યે પાઅયાલ દારાખા રોહો બોનાવ્યેલ. કાપરનાહુમ ગાવામાય યોક રાજા આતો ચ્યા ચાકારા પોહો બિમાર આતો. 47 જોવે તો ઈ વોનાયોકા ઈસુ યહૂદા વિસ્તાર માઅને ગાલીલ ભાગામાય યેય ગીયહો તોવે તો ચ્યાપાય ગીયો એને ચ્યાલ વિનાંતી કોઅયી કા, યેયન મા પાહાલ હારો કોઓ, કાહાકા તો મોરાં તિયારી હેય. 48 ઈસુવે ચ્યાલ આખ્યાં, "જાવ લોગુ તુમા ચમત્કાર એને ચિન્હ નાંય એઅહા તાંવ લોગુ તુમા બોરહો નાંય કોઅહા." 49 રાજા ચાકારે ચ્યાલ આખ્યાં, "ઓ પ્રભુ, મા પોહો મોઓઈ જાય, ચ્યા પેલ્લા ચાલ." 50 ઈસુ ચ્યાલ આખહે, "જો, તો પોહો જીવતો રોય" તો માટડો ઈસુવા વાત માની ગીયો એને જાતો રિયો. 51 તો આજુ વાટેમાય આતો તાંઉ ચ્યા ચાકાર ચ્યાલ મિળ્યાં ચ્યાહાય ચ્યાલ ખોબાર દેની કા, "તો પોહો જીવતો હેય." 52 ચ્યે ચ્યાહાન પુછ્યાં, "કોઅહે સમયે તો હારો ઓઅરા લાગ્યો?" ચ્યાહાય ચ્યાલ આખ્યાં, "કાલે બોપરેહે યોક વાગે જોરાં ઉતી ગીયા." 53 તોવે આબહો જાંઆઈ ગીયો કા ચ્યેજ સમાયે ઈસુવે ચ્યાલ આખલા, "તો પોહો જીવતો રોય" તોવે તો એને ચ્યા ગોઆવાળહાય બોદહાય ઈસુવોય બોરહો કોઅયો. 54 ઈસુવા ઈ બિજા ચિન્હ ચમત્કારા કામ આતા, જોવે તો યહૂદા વિસ્તારામાઅને ગાલીલ ભાગામાય પાછો યેનો.