લુક 18

ઈસુ આંદળાલ દેખતો કોઅહે

35 જોવે ઈસુ એને ચ્યા શિષ્ય એને લોકહા મોઠો ટોળો યેરીખો શેહેરા પાહી યેના, તોવે યોક આંદળો વાટે મેરે બોહીન બિખ માગ્યાં કોઅહે. 36 ચ્યાહાન તાં લાગીન જાતો તો વોનાયો, તોવે ચ્યે પુછ્યાં કા, "ઈ કાય ઓઈ રીઅલા હેય?" 37 લોકહાય ચ્યાલ આખ્યાં, ઈસુ જો નાજરેત ગાવા હેય, તો યે વાટે જાય રિઅલો હેય. 38 તોવે ચ્યાય બોંબલીન આખ્યાં, "ઓ ઈસુ, દાઉદ રાજા કુળા પોહા, માયેવોય દયા કોઓ! 39 જ્યા આગલા ચાલે ચ્યા ચ્યાલ દોમકાડા લાગ્યા એને ઠાવકાજ રો આખ્યાં, બાકી તો આજુ મોઠેરે બોંબાલતો લાગ્યો કા, ઓ ઈસુ, દાઉદ રાજા કુળા, માયેવોય દયા કોઓ." 40 એને ઈસુ ઉબો રિયો એને ચ્યાલ પાહી લીયા આખ્યાં, જોવે તો પાહી યેનો, તોવે ચ્યાલ ચ્યે પુછ્યાં, 41 "તુલ કાય જોજે? તોહાટી આંય કાય કોઅઉ?" ચ્યે આખ્યાં, "પ્રભુ, આંય દેખતો ઓઉં." 42 તોવે ઈસુવે ચ્યાલ આખ્યાં, "તું માયેવોય બોરહો કોઅતોહો યાહાટી આંય તો બોચાવ કોઅતાહાંવ." 43 એને તારાતુજ તો દેખતો ઓઈ ગીયો, એને પોરમેહેરા સ્તુતિ કોઅતો લાગ્યો, એને વાટ દોઇન ચ્યા પાહલા ચાલા લાગ્યો, એને બોદા લોકહાય દેખીન પોરમેહેરા સ્તુતિ કોઅયી.