મેંડવાળ્યાહાન હોરગા દૂતા હારી ખોબાર આખના
8 ચ્યા ભાગામાય કોલહાક મેંડવાળ્યા લોક આતા, જ્યા રાતી દાદરામાય ચ્યાહા ગેટેં ટોવેત. 9 તોવે અચાનક પ્રભુ યોક હોરગા દૂત ચ્યાહાન દેખાયો, એને ચ્યાહા ચોમખી પ્રભુ ઉજવાડો ચોમકા લાગ્યો, એને ચ્યા ઈ એઇન બોજ બિઇ ગીયા. 10 તોવે હોરગા દૂતાય ચ્યાહાન આખ્યાં, "બીયહા મા વોનાયા આંય તુમહાન બોજ આનંદા હારી ખોબાર આખતાહાવ, જીં બોદા લોકહાહાટી ઓઅરી. 11 કા આજે બેથલેહેમ ગાવામાય મતલબ દાઉદ રાજા ગાવામાય તુમહાન તારણારો જોનમ્યોહો, તોજ ખ્રિસ્ત પ્રભુ હેય. 12 યે વાતે સાબિતી ઈ હેય કા ઓ તોજ પોહો હેય એહેકેન વોળખાં હાટી તુમહાન ઈ નિશાણી હેય, કા તુમા યોક પાહાલ ફાડકામાય ચોંડાળીન ગોવાંયેમાય હુવાડલાં એઅહા." 13 અચાનક ચ્યા હોરગા દૂતા આરે હોરગ્યા દૂતહા ટોળો પોરમેહેરા સ્તુતિ કોઅતા એને ઈ આખતા દેખાયાં, 14 "હોરગામાય પોરમેહેરા મહિમા, એને દોરત્યેવોય ચ્ચા માઅહાવોય પ્રસન્ન હેય ચ્ચા લોકહાન શાંતી આખા."